"İlk oyundan uğurlu nəticə ilə ayrılmaq istəyirdik. Cavab qarşılaşmasına daha yaxşı hesabla çıxmaq əla olardı. Amma alınmadı, uduzduq. Buna görə çox təəssüflənrik".
Bunu Sportnet.az-a açıqlamasında "Neftçi”nin qapıçısı Boban Baykoviç deyib. Təcrübəli qolkiper ilk oyunda məğlub olmaqlarına baxmayaraq finala adlamaq üçün sona qədər mübarizə aparacaqlarını bildirib: "Biz öz gücümüzə və finala adlayacağımıza inanmalıyıq.
Təbii ki, cavab qarşılaşmasında "Qarabağ”a qol buraxmadan iki qol vurmaq çətin olacaq. Amma əlimizdən gələni edəcəyik ki, bunu bacaraq. Bütün komanda yoldaşlarıma inanıram. Ümidvaram ki, biz istədiyimiz nəticəni əldə edə biləcəyik. Sadəcə inanmaq lazımdı”.
