Sentyabrın 3-də Rusiya və Azərbaycan milli komandaları arasında keçiriləcək yoldaşlıq görüşlərinin biletləri satışa çıxarılıb. Sportnet.az-ın Rusiya Futbol İttifaqının rəsmi saytına istinadən məlumatına görə, "Ximki Arena"da baş tutacaq qarşılaşmalara biletləri rəsmi bilet operatoru "ponominalu.ru" və operator kassalarından almaq mümkündür.
Ən ucuz biletlər D2 sektoruna 150 rubla (təqribən 6 manat), ən bahalılarını isə biznes lojalara 7 min rubla (təqribən 150 manat) satılır.
Qeyd edək ki, Rusiya - Azərbaycan matçı Bakı vaxtı ilə saat 20:00-da başlanacaq.
