"Neftçi" klubunun sabiq futbolçusu Aylton Ferreyra Rusiya MOİK-inə keçə bilər. Sportnet.az-ın "Globo" portalına istinadən verdiyi məlumata görə, braziliyalı müdafiəçinin nümayəndəsinin əlində "hərbçilər"in təklifi var.
Yaxın günlərdə tərəflər arasında danışıqların aparılacağı bildirilir. 22 yaşlı oyunçu ilə MOİK-dən başqa Portuqaliya "Benfika"sı da maraqlanır.
Qeyd edək ki, müqavilə üzrə Braziliya "Flüminense"sinə məxsus Aylton Ferreyra Silva "Neftçi"də 2015-2016 mövsümündə çıxış edib. O, 32 oyuna 3 qol vurub və 3 dəfə qırmızı vərəqə alıb. Ötən mövsüm isə Aylton Portuqaliya "Eştoril"ində oynayıb və 23 qarşılaşmada 1 qol vurub.
