"Qəbələ"nin sabiq futbolçusu Markinyoş Rumıniya "Astra"sına keçib. Sportnet.az-ın Curcu təmsilçisinin rəsmi saytına istinadən məlumatına görə, braziliyalı yarımmüdafiəçi ilə 2 illik müqavilə bağlanılıb.
24 yaşlı oyunçu "qırmızı-qara" formanı 2014-2015 mövsümünün ilk yarısında geyinib. O, 13 oyunda 1 qol vurub. "Sambaçı" Roman Qriqorçukun baş məşqçi təyin olunmasından sonra komandadan göndərilib.
Qeyd edək ki, "Zirə" Lüksemburq "Differdanj"ını üstələyəcəyi halda, Avropa Liqasının II təsnifat mərhələsində "Astra" ilə üz-üzə gələcək.
