Gürcüstan "Samtredia"sı 3 futbolçu ilə yollarını ayırıb.
Sportnet.az-ın klubun rəsmi saytına istinadən məlumatına görə, bunlar qapıçı Nika Dauşvili, yarımmüdafiəçi Konstantin Belov və hücumçu Davit Çaqelaşvilidir. Əvəzində ötən mövsümün ikinci yarısını Portuqaliya "Mirandela"sında keçirmiş sol cinah oyunçusu Bakar Balde ilə müqavilə bağlanılıb. Qvineya Bissau yığmasına da dəvət alan Baldenin hazırda 25 yaşı var.
Qeyd edək ki, "Samtredia" Çempionlar Liqasının II təsnifat mərhələsində "Qarabağ"ın rəqibi olacaq. İlk oyun iyulun 11-də Tofiq Bəhramov adına Respublika stadionunda, cavab görüşü iyulun 18-də Tbilisidəki Boris Payçadze adına "Dinamo" stadionunda olacaq.
