"Monako" klubu və Kolumbiya yığmasının hücumçusu Radamel Falkao İngiltərə "Mançester Yunayted"inə icarə əsasında keçəcək. Sportnet.az-ın The Telegraph"a istinadən məlumatına görə, Falkaonun 1 mövsümlük icarəsi üçün "knyazlıq klubu"na 20 milyon avro ödəniləcək.
28 yaşlı forvard bu gün tibbi müayinə məqsədilə Mançesterə uçacaq. Daha öncə onunla İngiltərənin "Mançester Siti" və "Liverpul", İspaniyanın "Real Madrid" və İtaliyanın "Yuventus" klubları maraqlanıb.
Qeyd edək ki, ötən mövsüm Radamel Falkao Fransa çempionatında 17 oyuna 9 qol vurub. Sonradan o, ağır zədə üzündən DÇ-2014-ü buraxmalı olub.
