Qarşıdakı mövsümdən Premyer Liqada çıxış edəcək "Səbail" legioner forvardı transfer etməyi düşünür.
Sportnet.az-ın eksklüziv məlumatına görə, Premyer Liqanın debütantının məşqçilər korpusu Marius Penanı komandaya dəvət edib. 32 yaşlı forvard "Səbail"in təklifinə hələ ki, cavab verməyib. Samir Əliyev isə hücum xəttində məhz Penanı görmək istəyir.
Qeyd edək ki, 2013/2014 mövsümündə "Bakı"da da çıxış etmiş forvard bundan savayı "Torpedo"(Moskva), "Otselul" (Qalati) klublarında oynayıb. O, 2014-cü ildən "Konkordiya Çayna" komandasının üzvüdür.
