"Neftçi"dən ayrılan Gürcüstan millisinin futbolçusu Georgi Navalovski Rusiyanın "SKA-Xabarovsk" klubu ilə müqavilə bağlayıb. Sportnet.az-ın Xabarovsk təmsilçisinin rəsmi saytına istinadən məlumatına görə, 31 yaşlı müdafiəçi ilə azad agent kimi anlaşma əldə olunub.
O, karyerasında üçüncü dəfə bu komandanın formasını geyinəcək. Əvvəllər Navalovski 2012-2013 mövsümünün ikinci yarısında, 2013-2014 mövsümündə bütövlükdə və 2015-2016 mövsümünün ikinci yarısında "SKA-Xabarovsk"da çıxış edib. Təcrübəli oyunçu "Neftçi"də ötən mövsümün ikinci yarısında top qovub.
Qeyd edək ki, Georgi Navalovski Gürcüstan millisində 22 oyun keçirib. "SKA-Xabarovsk" yenidən Rusiya Premyer Liqasına vəsiqə qazanıb.
