"Qarabağ" komandası Moldovada "Şerif"lə Çempionlar Liqasının III təsnifat mərhələsinin cavab görüşündə ciddi itki ilə üzləşib. Sportnet.az-ın məlumatına görə, Ağdam təmsilçisinin müdafiəçisi Maksim Medvedev 22-ci dəqiqədə zədələnib.
O, meydanı həkimlərin müşayiəti ilə tərk etib. Medvedev ilkin tibbi müdaxilədən sonra meydana qayıtsa da, 8 dəqiqə sonra əvəzlənməli olub. Təcrübəli futbolçunun əvəzinə polşalı legioner Yakub Jezniçak oyuna daxil olub. Bakıdakı ilk oyunda məhz Jezniçak zədələnərək, meydanı 24-cü dəqiqədə tərk etmişdi.
Qeyd edək ki, "Şerif"lə səfər matçında ilk yarıdan sonra "Qarabağ" öndədir - 1:0.
