Azərbaycan Premyer Liqasında açılış oyununun başlama saatı müəyyənləşib.
Sportnet.az-ın məlumatına görə, avqustun 11-də "Neftçi" və "Qarabağ" komandaları arasında keçiriləcək görüş saat 21:00-da start götürəcək. Həmin gün oyundan əvvəl hər iki komandanın kapitanları Azərbaycan himninin sədaları altında üçrəngli bayrağımızı dalğalandıracaqlar. Matçda AFFA və Peşəkar Futbol Liqası rəhbərliyinin də iştirakı gözlənilir.
Qeyd edək ki, qarşılaşma "Bakcell Arena"da keçiriləcək.
