"İnter”in Müşahidə Şurasının sədri Zaur Axundovla görüşümüz oldu. Ona komandadan getmək istəməyimlə bağlı mövqeyimi bildirdim”. Bunu Sportnet.az-a açıqlamasında Bakı "İnter”inin futbolçusu Rauf Əliyev deyib.
28 yaşlı hücumçu bildirib ki, karyerasına yaxın günlərdə aydınlıq gələcək: "İnter”lə müqaviləm var. Rəhbərliklə danışdım. Mənə yaxın günlərdə konkret bir söz deyəcəklər. Hansı kluba keçəcəyimlə və ya "İnter”də qalacağımla bağlı dəqiq bir söz deyə bilmərəm”.
Qeyd edək ki, Rauf Əliyevin "İnter”lı 2018-ci ilin iyununa qədər müqaviləsi var. Lakin hücumçu klubda qeyri-müəyyənlik üzündən iş yerini dəyişmək istəyir.
