İspaniyanın "Real Madrid” klubunun futbolçusu Kriştianu Ronaldo nə vaxtsa yenidən İngiltərənin "Mançester Yunayted” klubuna qayıtma perspektivlərindən danışıb. Sportnet.az-ın məlumatına görə, portuqaliyalı hücumçu bu barədə "Daily Mail”ə açıqlama verib.
O deyib: ”Hər kəs "Mançester Yunayted” heyranı olduğumu bilir və bunu dəfələrlə qeyd etmişəm. "Mançester Yunayted” klubunda çoxlu dostum var, azərkeşlər isə inanılmazdır. Bir gün mütləq ora qayıtmaq istərdim”.
29 yaşlı oyunçu, həmçinin İngiltərə Premyer Liqasına yaxşı başlamayan keçmiş komandasının toparlanacağına inandığını bildirib: ”Düzdür, ”Mançester Yunayted” liqaya yaxşı başlamayıb, amma Anxel Di Mariya və Radamel Falkao transferləri ilə birlikdə keçmiş komandamın yenidən özlərini yaxşı komanda kimi göstərəcəyinə inanıram”.
Qeyd edək ki, Kriştianu Ronaldo 2003 - 2009 illərdə "Mançester Yunayted" formasını geyinsə də, 2009-cu ildə 94 milyon avro qarşılığında İspaniyanın "Real Madrid’ klubuna transfer olub.
