Azərbaycan milli komandasının futbolçusu Araz Abdullayev "Qəbələ"dən bir illik icarəyə verildiyi Kipr "Anortosis"inin heyətində ilk matçına çıxıb.
Sportnet.az-ın məlumatına görə, 25 yaşlı futbolçu yoxlama görüşü çərçivəsində Yunanıstanın "Aris" klubuna qarşı oynayıb. 1:1 hesablı heç-heçə ilə başa çatan görüşdə Abdullayev meydana 63-cü dəqiqədə daxil olub. O, 83-cü dəqiqədə komandasını məğlubiyyətdən xilas edən qolu vurub.
Qeyd edək ki, Araz Abdullayev ictimaiyyətə elə oyundan əvvəl təqdim olunub.
