"Qəbələ"dən ayrılan futbolçu Xavi Ernandes karyerasını yenidən Polşa çempionatında davam etdirəcək. Sportnet.az-ın məlumatına görə, 28 yaşlı yarımmüdafiəçinin xidmətində "Krakovya" klubu maraqlıdır.
Baş məşqçi Mixal Probyers ispaniyalı oyunçunun alınmasını çox istəyir. Ernandeslə anlaşma istənilən an rəsmiləşə bilər. Polşa klubu ona illik 500 min avro ödəməyə hazırdır. Bu keçid baş tutsa, təcrübəli orta sahə oyunçusu "Qəbələ"nin keçmiş hücumçusu Sergey Zenyovla "Krakovya"da komanda yoldaşı olacaq.
Qeyd edək ki, Xavi Ernandes ötən mövsümü Polşa "Qurnik"ində keçirib. O, 28 oyuna 4 qol vurub. Yay transfer dövründə "Qəbələ"yə keçən Ernandes cəmi 1 matçda meydana çıxıb. Bu, Polşa "Yagelloniya"sı ilə Avropa Liqasının II təsnifat mərhələsinin oyununa təsadüf edib.
