"Qəbələ" və "Zirə" komandaları arasında keçirilmiş Azərbaycan Premyer Liqasının IV tur matçı qalmaqalla yekunlaşıb. Sportnet.az-ın məlumatına görə, buna baş hakim Ömər Paşayevin 90+1-ci dəqiqədə təyin etdiyi penalti səbəb olub.
"Zirə"nin baş məşqçisi Ayxan Abbasov və futbolçuları həmin vaxt və görüş yekunlaşdıqdan sonra hakimlər briqadasına kəskin etirazlarını bildiriblər. Bu zaman hadisə yerində olan polislərlə Abbasov arasında mübahisə düşüb. Mübahisəyə baş məşqçinin köməkçisi Elnur Çodarov da qoşulub. İnsidentin böyüməsinə elə Abbasovun özü imkan verməyib. O, Çodarovu və futbolçuları hakimlərin ətrafından uzaqlaşdırıb.
Qeyd edək ki, görüş 1:1 hesablı heç-heçə ilə yekunlaşıb.
