"Neftçi” klubu heyətinə yeni futbolçu cəlb edib.
Sportnet.az xəbər verir ki, bu barədə "Report”a paytaxt təmsilçisinin Media və Marketinq Departamentinin rəisi Rüstəm Əfsərli bildirib.
O, deyib ki, "ağ-qaralar” Rəşad Sadiqovla cari mövsümün sonuna qədər müqavilə bağlayıb. Həmçinin Azərbaycan milli komandasının futbolçusu Emin Mahmudovun da "Neftçi”yə qoşulacağı gözlənilir.
33 yaşlı yarımmüdafiəçi 2003-2004, 2005-2008, 2012-2014-cü illərdə "Neftçi”nin şərəfini qoruyub.
Qeyd edək ki, Rəşad Sadiqov karyerası ərzində "Neftçi" ilə yanaşı "Şəfa”, "Qarabağ”, MOİK, "Xəzər Lənkəran” və "Qəbələ” klublarının formasını geyinib. O, bu il mayında "Zirə” ilə bir illik müqavilə bağlasa da, iyulun 24-də klubdan kənarlaşdırılıb.
