"Barselona" əla komandadır. Onların şansları olduqda oyunu müsbət nəticə ilə başa vurmaq çətinləşir". Sportnet.az-ın məlumatına görə, bunu "Barselona" ilə 1:1 hesablı heç-heçə etdikləri İspaniya La Liqasının VIII tur matçında "Atletiko"nun yeganə qolunu vuran Nyiqes Saul deyib.
21-ci dəqiqədə hesabı açan 23 yaşlı yarımmüdafiəçi komandasının ikinci hissədə öz tapşırığının öhdəsindən gələ bilmədiyini açıqlayıb: "Rəqibi əks-hücumlarda yaxalamalı idik. Plan belə qurulmuşdu. İlk yarıda tapşırığımızın öhdəsindən əla gəldik. Fasilədən sonra isə meydanın özümüzə aid hissəsində ilişib qaldıq. Nəticədə rəqib bərabərlik qolunu vurdu".
Saul öz qolundan da danışıb: "Qol vurmağı çox istəyirdim. Bir neçə oyunda rəqib qapılarına yol tapmaq imkanım olmuşdu. Amma bu dəfə fərqlənməyi bacardım".
Sonda "Atletiko"nun oyunçusu "Qarabağ"la keçirəcəkləri görüş barədə fikirlərini bölüşüb: "Bu həftə daha bir vacib oyunumuz var. İndi "Qarabağ"la matçı düşünürük".
Qeyd edək ki, oktyabrın 18-də Bakı Olimpiya Stadionunda keçiriləcək "Qarabağ" - "Atletiko" matçı saat 20:00-da başlanacaq.
