"Qəbələ"nin Türkiyənin Antalya bölgəsindəki təlim-məşq toplanışı çərçivəsində yoxlama görüşü keçirəcəyi son rəqib müəyyənləşib. Sportnet.az-ın məlumatına görə, bu, Qazaxıstan "Atırau"sudur.
Görüş yanvarın 14-də keçiriləcək.
Qeyd edək ki, "Qəbələ" Antalya toplanışı müddətində ümumilikdə 7 görüş keçirəcək. "Qırmızı-qaralar" "Atırau"dan əlavə, yanvarın 10-da Türkiyənin "Akhisar Bələdiyyəspor”, yanvarın 17-də İsveçrənin "Sürix”, yanvarın 24-də Makedoniyanın "Rabotniçki”, yanvarın 27-də Rusiyanın "Arsenal” (Tula), yanvarın 31-də Çexiyanın "Bohemians”, fevralın 3-də isə Makedoniyanın "Şkendiya” komandaları ilə qarşılaşacaq.
