İspaniyada "Atletik" və Rusiya "Spartak"ı arasındakı Avropa Liqasının 1/16 final mərhələsinin cavab görüşündən əvvəl faciə baş verib.
Sportnet.az-ın AS nəşrinə istinadən məlumatına görə, iki klub fanatlarının toqquşması nəticəsində ispaniyalı polis dünyasını dəyişib. Asayiş keşikçisi toqquşmada xəsarət alan 5 nəfərdən biri olub. Onlar xəstəxanaya çatdırılsalar da, polisin həyatını xilas etmək mümkün olmayıb.
Qeyd edək ki, Bilbao şəhərindəki "San Mames" stadionu ətrafında baş vermiş dava nəticəsində rusiyalı 5 fanat saxlanılıb. Görüş "Spartak"ın 2:1 hesablı qələbəsi ilə yekunlaşsa da, ilk matçda 3:1 hesabı ilə qalib gələn "Atletik" mərhələ adlayıb.
