İngiltərə Premyer Liqasını tərk edən növbəti komandanın adı məlum olub. Sportnet.az xəbər verir ki, "Sautgempton"un XXXI turdan təxirə salınmış matçda "Suonsi" üzərində 1:0 hesablı qələbəsindən sonra "Vest Bromviç" aşağı liqaya enib.
Hazırda 31 xalla 19-cu pillədə qərarlaşan "Vest Bromviç" xilas ola biləcəyi 17-ci pillədən sona bir tur qalmış 5 xal geri qalır. "Sautgempton" isə xallarını 36-ya çatdıraraq, 16-cı yerə yüksəlib.
Qeyd edək ki, "Vest Bromviç" Premyer Liqada ardıcıl 7 mövsümdən sonra Çempionşipə enib. Daha əvvəl "Stok Siti" də elita şanslarını itirib.
