Topaz Premyer Liqasının XXVII turu baş hakim debütü ilə yadda qalıb.
Sportnet.az-ın Peşəkar Futbol Liqasının rəsmi saytına istinadən məlumatına görə, "Keşlə” – "Qarabağ” matçını idarə edən Rəşad Əhmədov Azərbaycan çempionatının yüksək dəstəsində ilk matçını keçirib. O, cari mövsümdə Premyer Liqa oyununu idarə edən 11-ci referidir. Əvvəlki 26 turun matçları 10 hakimə həvalə olunub. Əhmədov ölkə çempionatları tarixinə 96-cı baş hakim kimi düşüb. 1992-ci ildən keçirilən yarışda onadək 95 referi ədaləti qoruyub.
Qeyd edək ki, görüş "Keşlə"nin "Qarabağ" üzərində 3:0 hesablı qələbəsi ilə yekunlaşıb.
