İtaliyanın "Yuventus” futbol komandasının qapıçısı Canluici Buffon cari mövsümün sonunda karyerasını başa vuracaq.
Sportnet.az-ın məlumatına görə, bu barədə 40 yaşlı qolkiperin agenti Silvano Martino juvenews.eu saytına açıqlama verib. O, bildirib ki, mayın 19-da A Seriyasının sonuncu – XXXVIII turunda "Verona” ilə qarşılaşma Buffon üçün vida matçı olacaq.
Qeyd edək ki, Canluici Buffon 2001-ci ildə "Parma”dan "Yuventus”a keçib. O, kapitan sarğısını daşıdığı Turin təmsilçisinin heyətində 508 matçda iştirak edib. Təcrübəli qolkiper "Qoca sinyora” ilə 11 dəfə İtaliya çempionluğu, 4 dəfə İtaliya Kubokunu, 5 dəfə ölkə Super Kubokunu qazanıb. Həmçinin, o, İtaliya millisi ilə dünya çempionu tituluna sahib çıxıb.
