Avropa Liqasının qrup mərhələsində "Qarabağ"a rəqib olacaq "Dnepr" itki ilə üzləşə bilər. Sportnet.az-ın məlumatına görə, Dnepropetrovsk təmsilçisini aparıcı yarımmüdafiəçi Yevgeni Konoplyanka tərk etməyə hazırlaşır.
Bu barədə futbolçunun agenti Ceyms Lippet məlumat verib: "İtaliyadan konkret iki klubla danışıqlar aparırıq. Bunlar "Roma" və "İnter"dir. Ancaq müştərimin hansı komandaya keçəcəyini yaxın zamanda dəqiqləşdirəcəyik".
Qeyd edək ki, 29 yaşlı hücumameylli yarımmüdafiəçini heyətinə qatmaq istəyən "İnter" də məhz "Qarabağ" və "Dnepr"in yer aldığı F qrupunda mübarizə aparır.
