"Hazırlığımız yaxşı gedir. Çoxdandır bu oyuna hazırlaşırıq".
Sportnet.az-ın məlumatına görə, bunu Azərbaycanın 21 yaşadək futbolçulardan ibarət milli komandasının üzvü Sertan Taşqın bu gün Qazaxıstan yığmasına qarşı səfərdə keçirəcəkləri yoldaşlıq görüşü barədə danışarkən deyib.
Cinah müdafiəçisi qələbə qazanmaq üçün çalışacaqlarını bildirib: "Bunun üçün məşqçinin verdiyi tapşırıqları yerinə yetirməliyik. Bu oyun qarşıdakı oyunlara hazırlıq baxımından da çox vacibdir".
Qeyd edək ki, "Astana Arena" da keçiriləcək matç Bakı vaxtı ilə saat 13:00-da başlanacaq.
