"Bu komandadan dəvət alanda bir an belə düşünmədən bura gəldim".
Sportnet.az-ın məlumatına görə, bunu "Neftçi”nin yeni transferi Slavko Braliç klub televiziyasında açıqlamasında deyib. 25 yaşlı mərkəz müdafiəçisi Topaz Premyer Liqası və Avropa Liqasındakı məqsədindən danışıb: "Hədəfim bu mövsüm daha da yaxşı çıxış etmək, çempionluq uğrunda mübarizə aparmaq və avrokuboklarda bacardığımız qədər irəliləməkdir. Söz verirəm ki, uğur qazanmaq üçün əlimdən gələni əsirgəməyəcəyəm. Oyundan-oyuna daha yaxşı çıxış edəcəyəm".
Qeyd edək ki, Slavko Braliç "Neftçi" ilə 1 illik müqavilə bağlayıb.
