"Sumqayıt” klubu Azərbaycan millisinin futbolçusu Cavid İmamverdiyevi transferə çıxarıb.
Sportnet.az xəbər verir ki, bu qərar 25 yaşlı yarımmüdafiəçi karyerasını "gənclik şəhəri" təmsilçisinin heyətində davam etdirmək istəmədiyi üçün qəbul olunub. "İmamverdiyev "Sumqayıt”da qalmaqdan imtina etdiyinə görə transferə çıxarılıb. Onun xidmətində həm yerli, həm də xarici klublar maraqlıdır. Rəhbərlik klubla 1 illik müqaviləsi olan futbolçuya gələn təklifləri dəyərləndirir” deyə mətbuat katibi Rəşad Məmmədov "Report"a bildirib.
Qeyd edək ki, Cavid İmamverdiyev "Sumqayıt”a ötən yay "Neftçi”dən keçib. O, İdman Araşdırmalar Mərkəzinin Azərbaycan Premyer Liqasında çıxış edən futbolçular arasında apardığı sorğuya əsasən, 2017/2018 mövsümünün ən yaxşı oyunçusu seçilib.
