"Sumqayıt" klubuna məxsus "Kapital Bank Arena"nın əsas meydanında ot örtüyünün dəyişdirilmə prosesi davam edir.
Sportnet.az klubun mətbuat xidmətinə istinadən xəbər verir ki, artıq əsas meydanın həm suvarma, həm də drenaj sistemi quraşdırılıb.
Yaxın günlərdə üst qatın torpaq hissəsinin yerləşdirilməsinə start veriləcək.
Eyni proses təbii örtüklü olması nəzərdə tutulan yardımçı meydançada da aparılır. Arxa hissədə tikilən süni örtüklü meydançanın hasaraalınması isə davam edir. Həmin meydanın suvarma sisteminin quraşdırılması artıq başa çatmaq üzrədir.
