"Sevinirəm ki, bu gün qol buraxmadıq. Qapıçı üçün bu, çox vacib amildir".
Sportnet.az xəbər verir ki, bunu "Neftçi"nin qapıçısı Səlahət Ağayev Topaz Premyer Liqasının ilk turunda "Sumqayıt"ı 1:0 hesabı ilə yendikləri oyundan sonra klubun rəsmi saytına açıqlamasında deyib. O, çempionata qələbə ilə başlamağın əhəmiyyətindən danışıb: "Ən önəmlisi odur ki, qalib gəldik. Düzdür, hər iki komandanın qol vurmaq üçün şansları oldu. Lakin biz bunlardan daha yaxşı istifadə edib, qalib gəldik. Çempionata 3 xalla başlamaq vacibdir”.
