Dünya futbolunun ulduzu Kriştiano Ronaldu növbəti rekorda imza atıb. Sportnet.az-ın məlumatına görə, portuqal ulduz bu dəfə futbolda yox, şəxsi həyatında fərqlənib.
Əzəli rəqibi Lionel Messini son illər meydanda olduğu kimi, sosial aləmdə də qabaqlayan portuqaliyalının rəsmi "facebook" səhifəsindəki dostlarının sayı rekord həddə çatıb. Ronaldunun 100 milyon "dostu" var. 29 yaşlı futbolçu rekord saya görə sevənlərinə təşəkkür etməyi unutmayib: "Bu, sizin uğurunuzdur. Çünki mən sizin üçün oynayıram və sevinirəm ki, təkcə sosial aləmdə 100 milyon dostum var".
Qeyd edək ki, "facebook"da ən çox "dostu" olan ikinci şəxs, əlbəttə ki, Messidir. "Barselona"nın argentinalı ulduzunu sosial şəbəkə vasitəsi ilə 76 milyon nəfər izləyir. 3-cülüyü isə 25 milyon nəfərlə İngiltərə millisi və "Mançester Yunayted"in hücumçusu qapayır.
