"Öncədən oyunun çətin olacağını bilirdik. Çünki oyunun bəzi anlarında rəqibin bizə çətinlik yaşadacağını gözləyirdik. Bəzən elə olur ki, istədiyin alınmır. Buna baxmayaraq öz komandamı təbrik edirəm ki, bu çətinliyin öhdəsindən gələ bildik".
Sportnet.az xəbər verir ki, bunu "Qarabağ"ın qapıçı Vaqner da Silva Azərbaycan Premyer Liqasının IV turunda evdə "Sumqayıt"ı 1:0 hesabı ilə məğlub etdikləri oyun barədə danışarkən deyib.
32 yaşlı qolkiper daha sonra jurnalistlərin suallarını cavablandırıb:
- Oyun zamanı etdiyiniz qurtarışlar önəmli idi. Bəlkə də matçın taleyini həll etdiniz. Birinci hissədə də yaxşı qurtarış etdiniz. Bu şansla bağlıdır, yoxsa ustalıqla?
- Belə məsələəri fərdiləşdirmək istəməzdim. Məğlub olanda da komanda şəklində uduzur. Udanda da komanda şəklində qələbə qazanırıq. "Qarabağ" böyük komandadır. Ona görə də,hər kəs öz işini görməyə çalışır. Oyun ərzində qapıya 2-3 zərbə gəlir. Biz də hazır olmalıyıq.
- Avropa Liqasının qrup mərhələsində "Sportinq"lə qarşılaşacaqsınız. Portuqaliya çempionatında çıxış etmisiniz. Rəqibin güclü və zəif cəhətləri barədə nə deyə bilərsiniz?
- Mən bu rəqibi yaxşı tanıyıram. Dəfələrlə onlara qarşı oynamışam. "Sportinq" mənə xoş anları xatırladır. O, komanda ilə oyunda xoş xatirələrim var. 9 dəfə o rəqibə qarşı oynamışam. İki dəfə məğlub olmuşuq. Çətin oyun olacağını bilirik. Biz bu oyuna da böyük ümidlərlə gedirik.
- Son olaraq "Boavişta"nın heyətində çıxış edərkən iki oyunda da "Sportinq"ə məğlub olmusunuz. "Qarabağ"ın heyətində bu komandaya qalib gəlmək mümkündürmü?
- İki məğlubiyyət son mövsümdə olub. Bizim "Sportinq"lə matçda qələbə qazanmaq şansımız var. Öz ölkəsinin ən güclü komandalarından biridir. Bunu deməyə ehtiyac yoxdur. "Qarabağ" da Azərbacyanın ən böyük klubudur. Onlar da bunu bilirlər. Bu barədə məlumatları var.
- "Qarabağ"da rəqabət apardınız Halldorsson İslandiya millisində iki oyuna 9 qol buraxıb. Onun hazırkı vəziyyəti necədir?
- Futbolda belə şeylər olur. Bu, təbii haldır. Onun kifayət qədər təcrübəsi var. Bu istənilən qapıçının başına gələ bilər. bu məsələlərəə qarışmaq istəməzdim. Növbəti oyunda kimin oynayacağı barədə düşünmürük. Əsas məqsədimiz həmin oyunda müsbət nəticə qazanmaqdır.
