UEFA Çempionlar Liqasında qrup mərhələsində PSJ (Fransa) – "Srvena Zvezda" (Serbiya) qarşılaşması danışılmış olmasında şübhələnir.
Sportnet.az xəbər verir ki, bu barədə "L'Equipe" mənbəyə istinadən məlumat yayıb.
Oktyabrın 3-də keçirilmiş oyun fransızların 6:1 üstünlüklü qələbəsi ilə başa çatıb. Mənbənin məlumatına görə, Belqrad təmsilçisinin yüksək vəzifəli nümayəndələrindən biri komandasının beş qol fərqi ilə məğlub olması üçün 5 milyon avro pul qoymaq istəyib. Fransada bu oyunun danışılmış ola bilməsi ilə bağlı araşdırma başlayıb.
Xatırladaq ki, Futbol üzrə Belçika çempionatının yüksək dəstəsində də danışılmış oyunlar qeydə alınıb.
