İngiltərə "Arsenal”ının və Qabon yığmasının hücumçusu Pyer-Emerik Obameyanq oktyabrın 16-da Afrika Millətlər Kubokunun seçmə qrup oyunları çərçivəsində Cənubu Sudan yığması ilə keçirilən görüş üçün təyyarə ilə Cuba şəhərinə səfərdən imtina edib.
Sportnet.az-ın "L'Equipe” nəşrinə istinadən verdiyi məlumata görə, Obameyanq bundan əvvəl Cənubi Sudanla keçirilən və 3:0 hesabı ilə qalib gəldikləri ev oyununda iştirak edib.
Ancaq futbolçu Qabon yığmasının səfərdə Cənubi Sudana 1:0 hesabı ilə qalib gəldiyi matçda çıxış etməyib. Qabon Futbol Federasiyasının sifariş etdiyi təyyarə yaxşı vəziyyətdə olmadığı üçün Obameyanq və bir neçə digər futbolçu bu təyyarə ilə Cənubi Sudana uçmaqdan imtina edib. Forvard daha sonra Londona qayıdıb. Lakin rəsmi açıqlamada futbolçunun yığmanı zədə səbəbindən tərk etdiyi vurğulanıb.
