İdman Araşdırmalar Mərkəzinin ardıcıl 6-cı dəfə həyata keçirdiyi "İlin qalibləri" layihəsi üzrə sorğu 6 nominasiya üzrə aparılıb.
Sportnet.az-ın məlumatına görə, səsvermədə 58 KİV hərəyə bir idman jurnalisti ilə təmsil olunub. Ən ciddi rəqabət "İlin idman xadimi" nominasiyası üzrə sorğuda gedib. Avropa Gimnastika İttifaqının prezidenti Fərid Qayıbov ən yaxın izləyicisi, Azərbaycan Cüdo Federasiyasının vitse-prezidenti Sadıq Sadıqovu 3 səs qabaqlayıb.
"İlin əcnəbi futbolçusu" nominasiyasında "Qarabağ"ın cinah oyunçusu Donald Gerrye ən yaxın izləyicisi, bu yay "Qəbələ"ni "Neftçi"yə dəyişmiş fransalı hücumçu Baqali Dabonu cəmi 6 səs qabaqlayıb.
Əvəzində "Neftçi"nin digər forvardı Mirabdulla Abbasov "İlin futbolçusu" nominasiyasında ikinci yeri tutan "Qarabağ"ın müdafiəçisi Maksim Medvedevi 10 səs geridə qoyub.
Əvəzində "İlin idmançısı", "İlin baş məşqçisi" və "İlin idman yarışı" nominasiyalarında yunan-Roma güləşçisi Eldəniz Əzizli, hazırda yalnız "Qarabağ"a rəhbərlik edən Qurban Qurbanov və cüdo üzrə dünya çempionatı açıq fərqlə birinci yeri tutub.
Səsvermənin nəticələri
İlin idman xadimi: Fərid Qayıbov - 20, Sadıq Sadıqov - 17, Mahir Məmmədov - 6, Yaşar Bəşirov - 6, Arif Rəhimov - 5, Namiq Əliyev - 3, Sahib Ələkbərov - 1.
İlin idmançısı: Eldəniz Əzizli - 36, Şəhriyar Məmmədyarov - 11, Mariya Stadnik - 3, Vüqar Talıbov - 2, Yelizaveta Luzan - 2, Hidayət Heydərov - 2, İrina Zaretska - 1, Mixail Malkin - 1.
İlin əcnəbi futbolçusu: Donald Gerrye - 25, Baqali Dabo - 19, Miçel - 7, Marko Deviç - 6, Aleksandr Dedov - 1.
İlin futbolçusu: Mirabdulla Abbasov - 24, Maksim Medvedev - 14, Riçard Almeyda - 9, Mahir Mədətov - 5, Emin Mahmudov - 4, Təmkin Xəlilzadə - 1, Qara Qarayev - 1.
İlin baş məşqçisi: Qurban Qurbanov - 30, Şaban Donat - 9, Roberto Bordin - 8, Firdovsi Umudov - 6, Rəhman Hətəmov - 3, Vüqar Məmməd - 2.
İlin idman yarışı: Cüdo üzrə dünya çempionatı - 36, "Formula 1" üzrə Azərbaycan Qran Prisi - 13, "ShamkirChess" superturniri - 4, BMX üzrə dünya çempionatı - 2, "Bakı Marafonu-2018" - 2, batut gimnastikası, ikili mini-batut və tamblinq üzrə Avropa çempionatı - 1.
