İngiltərə "Mançester Yunayted"inin sabiq baş məşqçisi Joze Mourinyo karyerasının ən yaxşı komandasının adını açıqlayıb.
Sportnet.az-ın məlumatına görə, portuqaliyalı mütəxəssis "beİN Sports"a müsahibəsində İtaliya "İnter"ini fərqləndirib. O bildirib ki, 2008 - 2010-cu illərdə rəhbərlik etdiyi komanda ilə bütün titulları qazandığını vurğulayıb: "Mən obyektiv olmalı və ilk gündən sonadək hər şeyi qazandığımız kluba hörmətlə yanaşmalıyıq. "İnter" bütün turnirlərdə qalib gəldi, Çempionlar Liqasında dünyanın ən yaxşılarını, o cümlədən "Barselona" və "Bavariya"nı yendi, İtaliya çempionu oldu, fantastik miqdarda xal topladı və ölkə kubokunu əldə etdi".
Qeyd edək ki, Joze Mourinyo "İnter" və "Mançester Yunayted"dən əlavə, İngiltərənin "Çelsi", İspaniyanın "Real Madrid", Portuqaliyanın "Portu", "Unian Leyriya" və "Benfika" komandalarının baş məşqçisi olub.
