UEFA Region kuboku turnirinin 2020/2021-ci il mövsümünün püşkü atılıb.
Sportnet.az xəbər verir ki, A qrupunda yer alan Azərbaycan təmsilçisi ilkin təsnifat mərhələsində Gürcüstan, Estoniya və İsveç klubları ilə qarşılaşacaq. Bu qrupun oyunları iyulun 21-də, 24-də və 27-də İsveçdə keçiriləcək. İlkin təsnifat mərhələsinin qalibi kimi növbəti mərhələyə vəsiqə qazanılarsa, Çexiya, Ukrayna, Bosniya və Herseqovina, ikinci pillənin sahibi kimi mübarizəni davam etdirilərsə, Rusiya, Bolqarıstan və Uels klubları ilə görüşlər keçiriləcək.
Qeyd edək ki, Azərbaycanı bu turnirdə Region Liqasının 2018/2019-cu il mövsümünün qalibi olmuş “Uğur” (Sumqayıt) komandası təmsil edəcək.
