Sportklub və İsrailin Sport5 telekanalları Belarus çempionatının teleyayım hüququnu alıb.
Sportnet.az-ın "Pressbol"a istinadən məlumatına görə, Sportklub oyunları Serbiya, Xorvatiya, Monteneqro, Bosniya və Herseqovina, Sloveniya, Şimali Makedoniya ərazisində yayımlayacaq. Bu gün Balkan telekanalı "Torpedo-BelAZ" - "Belşina" və "Rux" - "Energetik-BQU" oyunlarını yayımlayacaq.
Sport5 isə hər turun 3 matçını ekranlara gətirəcək.
Avropada yalnız Belarus çempionatı koronavirusa görə dayandırılmayıb. Daha əvvəl bu çempionatın yayım hüququnu Rusiyadan MatçTV və Ukraynadan Futbol1 telekanalları alıb.
Bu arada Hindistan telekanallarından birinin də bu sıraya qoşulduğuna dair xəbər yayılıb.
Qeyd edək ki, Belarus çempionatının yayımı ilk dəfə xarici televiziyalara satılıb.
