Moskva "Spartak"ının sabiq futbolçusu Luis Adriano rusiyalı həyat yoldaşı Yekaterina Dorojkodan ayrılıb.
Sportnet.az-ın məlumatına görə, braziliyalı hücumçu 27 yaşlı braziliyalı model Luma Simoynşla görüşməyə başlayıb. O, vətəninə qayıtdıqdan sonra Dorojko ilə birgə fotolarını Instagram akkauntundan silib.
Adriano ilə Simoynş 4 aydır yaxın münasibətdədir. Model hazırda "Palmeyras"da çıxış edən 33 yaşlı forvardın oyunlarını izləmək üçün stadiona gedir.
Qeyd edək ki, Adriano ötən həftəsonu San-Paulu ştatı çempionatının oyununda qol vurduqdan sonra əli ilə "L" hərfi göstərib. Bununla da "sambaçı" yeni sevgilisinə müraciət edib.
