UEFA Millətlər Liqasında Kipr - Azərbaycan oyunu ərəfəsində təşkil olunacaq mətbuat konfransları və mətbuat üçün açıq məşqlərin vaxtı müəyyənləşib.
Sportnet.az-ın AFFA-nın rəsmi saytına istinadən xəbər verir ki, bu gün Bakı vaxtı ilə saat 13:00-da media önünə yerli komandanın baş məşqçisi Yohan Valem çıxacaq. İlk 15 dəqiqəsi mətbuat üçün açıq məşq saat 21:45-də olacaq.
Saat 19:30-da Azərbaycan yığmasının baş məşqçisi Canni De Byazi mətbuat konfransı keçirəcək. Saat 20:00-da isə millinin ilk 15 dəqiqəsi mətbuat üçün açıq məşqi olacaq.
Hər iki mətbuat konfransı və məşq oyunun keçiriləcəyi GSP stadionunda təşkil olunacaq.
Qeyd edək ki, sentyabrın 8-də keçiriləcək Kipr - Azərbaycan matçı saat 22:45-də başlanacaq.
