Çempionlar Liqasının III təsnifat mərhələsində Kiprdə baş tutacaq "Qarabağ" - "Molde" (Norveç) qarşılaşmasından öncə keçiriləcək son məşq və mətbuat konfranslarının vaxtı açıqlanıb.
Sportnet.az xəbər verir ki, sentyabrın 15-i, Bakı vaxtıyla 20:15-də matçın baş tutacağı "AEK Arena"da Ağdam təmsilçisinin baş məşqçisi Qurban Qurbanovun mətbuat konfransı keçiriləcək. Saat 20:30-da komanda oyunöncəsi son məşqə çıxacaq.
Rəqib komandanın baş məşqçisi isə Bakı vaxtıyla 18:45-də media mənsublarının önünə çıxacaq. 30 dəqiqə sonra isə Norveç təmsilçisi son hazırlıqlarını tamamlayacaq.
Qeyd edək ki, "Qarabağ" - "Molde" matçı sentyabrın 16-sı Bakı vaxtıyla 21:00-da start götürəcək.
