Azərbaycan Premyer Liqasının VI turunda baş tutacaq "Sumqayıt" - "Zirə" oyunu iki rəqib arasında 20-ci qarşılaşma olacaq.
Sportnet.az xəbər verir ki, indiyədək çempionatda 19 dəfə üz-üzə gəlmiş komandaların duelində "qartallar" böyük üstünlüyə malikdir.
10 qələbə qazanan qəsəbə təmsilçisi 4 heç-heçə edib və 5 dəfə uduzub. "Zirə" top fərqində də öndədir. Rəqib qapısına 26 qol vuran Rəşad Sadıqovun başçılıq etdiyi komanda 17 top buraxıb.
Səfərdə baş tutan 10 görüşdə 4 dəfə qalib olan “Zirə” rəqib meydanında eyni sayda məğlubiyyət alıb. 2 dəfə sülhlə ayrılan rəqiblərin matçlarında 10 qol vuran “qartallar” 9 top buraxıb.
Qeyd edək ki, oktyabrın 18-də “Kapital Bank Arena”da keçiriləcək “Sumqayıt” - “Zirə” matçı saat 16:00-da başlayacaq.
