"Trabzonspor" klubunun prezidenti İbrahim Hacıosmanoğlu Türkiyə Futbol Federasiyasının İntizam Komitəsi tərəfindən cəzalandırılıb. Hacıosmanoğlu 45 gün müddətinə klub rəhbərliyi hüququndan məhrum edilib.
O, 30 000 TL (təxminən 10 000 AZN) cərimə də ödəməli olacaq. Cəzaya səbəb klub rəhbərinin idmana zidd açıqlamalar verməsi olub.
Qeyd edək ki, İbrahim Hacıosmanoğlu son günlərdə yerli mətbuata açıqlamasında federasiya rəhbərliyini tənqid edib (Report.az).
