“Sumqayıt” futbol komandası tarixində 100-cü qələbəsini qazanıb.
Sportnet.az-ın klubun rəsmi saytına istinadən məlumatına görə, bu yubiley Azərbaycan Premyer Liqasının XXI turuna təsadüf edib. Səfərdə “Neftçi”ni 2:0 hesabı ilə məğlub edən komanda 347-ci matçında 100-cü dəfə qalib gəlib. Digər oyunlarda 89 heç-heçə etmiş sumqayıtlılar 158 dəfə uduzub.
2010-cu ildə yaradılmış klub indiyədək Premyer Liqada 77, Azərbaycan Kubokunda 10, I Divizionda 13 qələbə qazanıb. “Sumqayıt”ın ilk qələbəsi də aşağı dəstəyə təsadüf edib. 2010/2011 mövsümündə “Sumqayıt Şəhər” adı ilə çıxış etmiş debütant ilk qələbəsini 2010-cu il oktyabrın 2-də qazanıb. Həmin gün “Gənclik şəhəri” təmsilçisi evdə “Karvan”ı bir qolla məğlub edib.
