Futbol üzrə Avropa çempionatında ilk turun son oyunu keçirilib.
Sportnet.az-ın məlumatına görə, Münhen şəhərindəki "Alyans Arena"da son dünya çempionları Almaniya ilə Fransa yığmaları üz-üzə gəlib. Görüş Fransa millisinin qələbəsi ilə yekunlaşıb - 1:0. Yeganə qolu 20-ci dəqiqədə Almaniya yığmasından Mats Hummels öz qapısına vurub.
Qeyd edək ki, F qrupunun digər matçında Portuqaliya Macarıstanı darmadağın edib - 3:0.
-------------------------------
Futbol üzrə Avropa çempionatının F qrupunda mübarizəyə start verilib.
Sportnet.az-ın məlumatına görə, qrupun ilk matçında turnirin ev sahiblərindən Macarıstan millisi son çempion Portuqaliya ilə qarşılaşıb. Budapeştdəki "Puşkaş Arena"da keçirilən görüş Pireney təmsilçisinin 3:0 hesablı qələbəsi ilə başa çatıb.
Matçda hər üç qol 2-ci hissədə vurulub. 84-cü dəqiqədə Rafael Gerreyro, 3 dəqiqə sonra Kriştianu Ronaldu rəqib qapısına yol tapıb. Qarşılaşmada son nöqtəni də Ronaldu qoyub. O, əsas vaxta əlavə olunmuş 2-ci dəqiqədə komandasının üstünlüyünü 3 topa çatdırıb. Beləliklə, bu görüşdə dubl edən hücumçu 11 qolla turnirin tarixində ən sərrast oyunçu ünvanını ələ keçirib. O, 9 qolu olan Fransa millisinin sabiq forvardı Mişel Platinini geridə qoyub. Veteran futbolçu qolların hamısını AVRO-1984-də vurub.
Bundan başqa, start heyətində meydana çıxan 36 yaşlı forvard 5 Avropa çempionatında forma geyinən futbolçu kimi tairxə düşüb.
Qeyd edək ki, F qrupunun digər oyununda Almaniya və Fransa yığmaları üz-üzə gələcəklər. Münhendəki eyniadlı stadionda keçiriləcək oyun Bakı vaxtı ilə saat 23:00-da başlayacaq.
-----------------------------
Bu gün futbol üzrə Avropa çempionatında daha iki oyun keçiriləcək.
Sportnet.az-ın məlumatına görə, F qrupunun görüşləri ilə I tura yekun vurulacaq.
Günün ilk matçı Macarıstanda yerli yığma ilə turnirin son qalibi Portuqaliya arasında olacaq. Budapeştdəki "Puşkaş Arena"da gerçəkləşəcək qarşılaşma Bakı vaxtı ilə saat 20:00-da başlayacaq. Oyunu türkiyəli FIFA referisi Cüneyt Çakır idarə edəcək.
Digər matçda isə Avropa çempionatının 2 əsas favoriti - Almaniya və Fransa milli komandaları münasibətlərinə aydınlıq gətirəcəklər. Münhendəki eyniadlı areanda baş tutacaq görüşün baş hakimi ispaniyalı Karlos del Serro Qrande olacaq. Qarşılaşma Bakı vaxtı ilə saat 23:00-da start götürəcək. İki komanda ilk dəfə hansısa böyük turnirin qrup mərhələsində üz-üzə gələcək. Sonuncu dəfə AVRO-2016-nın yarımfinalına təsadüf edən dueldə fransızlar 2:0 hesablı qələbə qazanıblar.
Avropa çempionatı
F qrupu, I tur
20:00. Macarıstan - Portuqaliya - 0:2
Qollar: Rafael Gerreyro, 84, Kriştianu Ronaldu, 87 (penalti), 90+2
Baş hakim: Cüneyt Çakır (Türkiyə)
Budapeşt, "Puşkaş Arena"
23:00. Fransa - Almaniya - 1:0
Qol: Mats Hummels, 20 (öz qapısına)
Baş hakim: Karlos del Serro Qrande
Münhen, "Münhen Futbol Arenası"
