Müsəlman azarkeşləri üçün xüsusi yol göstəricisi çap olunub. Sportnet.az-ın məlumatına görə, DÇ-2014-ə həsr olunmuş nəşr Braziliyada satışa çıxarılıb.
Braziliya müsəlman icması tərəfindən buraxılmış 65 səhifəlik broşürada, DÇ-2014-ün oyunları baş tutacağı şəhərlər haqqında məlumat əks olunub. Bu kitabçada məscidlərin və İslam ölkələri səfirliklərinin ünvanları, müsəlman azarkeşləri üçün qaynar xətlərin telefon nömrələri, habelə Əlcəzair, Kamerun, İran, Kot-d`İvuar və Nigeriya milli komandalarının oyunlarına səyahət təşkil edəcək "Salam” avtobusun marşrutu barədə məlumatlar yer alıb.
