Azərbaycanın avrokuboklardakı digər təmsilçisi "Qarabağ"ın da UEFA Konfrans Liqasının pley-off mərahələsindəki potensial rəqibi müəyyənləşib.
Sportnet.az-ın məlumatına görə, Ağdam təmsilçisi III raundda Kipr AEL-ini üstələyəcəyi təqdirdə, növbəti mərhələdə "Breydablik" (İslandiya) - "Aberdin" (Şotlandiya) cütünün qalibi ilə üz-üzə gələcək.
"Köhlən atlar" ilk görüşünü Bakıda oynayacaq.
------------------------------
UEFA Konfrans Liqasında pley-off mərhələsinin püşkü atılır.
Sportnet.az-ın məlumatına görə, Azərbaycanın avrokuboklardakı təmsilçisi "Neftçi"nin də potensial rəqibi bilinib.
"Ağ-qaralar" Avropa Liqasının III raundunda Finlandiya HİK-ini keçə bilməsə, Konfrans Liqasının pley-offunda “Makkabi” (Hayfa, İsrail) – "HB Torşavn" (Farer adaları) cütünün qalibi ilə qarşılaşacaq. Paytaxt təmsilçisi ilk matçı evdə keçirəcək.
Qeyd edək ki, pley-off mərhələsinin oyunları avqustun 19 və 26-da keçiriləcək.
-------------------------------
Bu gün UEFA Konfrans Liqasında pley-off mərhələsinin püşkü atılacaq.
Sportnet.az-ın məlumatına görə, Azərbaycanın avrokuboklardakı təmsilçiləri "Neftçi" və "Qarabağ"ın da potensial rəqibləri bəlli olacaq.
Püşkatma Bakı vaxtı ilə saat 16:00-da start götürəcək. Ağdam təmsilçisi III təsnifat mərhələsində Kipr AEL-ini üstələyəcəyi təqdirdə, 4 cütdən birinin qalibi ilə görüşəcək.
"Köhlən atlar səpələnmişlər səbətində yer alacaq, rəqib isə səpələnməmişlər sırasından düşəcək. Onların arasında II təsnifat mərhələsində "Sumqayıt"ı mübarizədən kənarlaşdırmış Serbiya "Çukariçki"si də var:
MOİK (Sofiya, Bolqarıstan) - "Osiyek" (Xorvatiya)
"Pakuş de Fereyra" (Portuqaliya) - "Larn" (Şimali İrlandiya)
"Breydablik" (İslandiya) - "Aberdin" (Şotlandiya)
"Çukariçki" (Serbiya) - "Hammarbü" (İsveç)
"Neftçi" Avropa Liqasının III təsnifat mərhələsində Finlandiya HİK-i ilə görüşlərdən sonra mübarizəni dayandırsa, aşağıda qeyd olunan cütlüklərdən birinin qalibi ilə qarşılaşacaq:
“Makkabi” (Hayfa, İsrail) – "HB Torşavn" (Farer adaları)
“Linfild” (Şimali İrlandiya – “Fola” (Lüksemburq)
“Şemrok Rovers” (İrlandiya) – “Teuta” (Albaniya)
“Riqa” (Latviya) – “Hibernians” (Malta)
“Priştina” (Kosovo) – “Bodo Qlimt” (Norveç)
Qeyd edək ki, pley-off mərhələsinin oyunları 19-26 avqustda gerçəkləşəcək.
