UEFA Konfrans Liqasının pley-off mərhələsində “Neftçi” və israilin "Makkabi” (Hayfa) komandaları arasında ilk oyundan əvvəl "ağ-qaralar"ın baş məşqçisi Samir Abasov və futbolçusu Mert Çelikin iştirakı ilə mətbuat konfransı təşkil olunacaq.
Sportnet.az xəbər verir ki, tədbir avqustun 18-i saat 19:30-dan "Bakcell Arena”da baş tutacaq. Konfransdan sonra, saat 20:00-da isə komandanın media nümayəndələri üçün açıq məşqi (ilk 15 dəqiqəsi) olacaq.
“Bakcell Arena”da həmin gün saat 17:30-da rəqib komandanın mətbuat konfransı, 18:00-da isə açıq məşqi (ilk 15 dəqiqəsi) keçiriləcək.
Hər iki komandanın mətbuat konfransı və açıq məşqinin “Neftçi TV” vasitəsilə canlı yayımlanması nəzərdə tutulub.
Qeyd edək ki, "Neftçi" - "Makkabi" (Hayfa) oyunu avqustun 19-u saat 21:00-da “Bakcell Arena"da olacaq. Cavab matçı avqustun 26-da Hayfada gerçəkləşəcək.
