Türkiyə Futbol Federasiyası yeni mövsüm üçün legioner futbolçu qaydalarını açıqlayıb. Sportnet.az-ın məlumatına görə, qarşıdaı 4 mövsüm qüvvədə olacaq qərara əsasən heyətində ən az 28 futbolçu olan komanda 14 legionerin xidmətindən yararlana biləcək.
Lakin bu say klublara heç də sərf etməyəcək. Bir əcnəbi futbolçunu heyətinə cəlb edən klubu "yerli oyunçu fondu" adlandırılan fonda təxminən 100 min TL (təxminən 32 min AZN) ödəməli olacaq. Əcnəbi futbolçunun sayından asılı olaraq ödənişin də qiymtəi artıq olacaq. Heyətə 14 legioner cəlb edən klub isə fonda 6 milyon TL (təxminən 2 mln AZN) ödəyəcək.
Qeyd edək ki, yeni qaydalara əsasən legioner qapıçısı olan klub ümumilikdə 14 əcnəbinin xidmətindən istifadə edə biləcək.
