Azərbaycanın 19 yaşadək futbolçulardan ibarət milli komandası itki ilə üzləşib. Sportnet.az-ın AFFA-nın rəsmi saytına istinadən məlumatına görə, yığmaya "Qəbələ"dən çağırılmış Qismət Əliyev heyətdən çıxarılıb.
O, zədə üzündən Finlandiyanın paytaxtı Helsinkiyə təlim-məşq toplanışına yollanan futbolçular siyahısından çıxarılıb.
Qeyd edək ki, U-19 millimiz Avropa çempionatının elit-raunduna hazırlaşır. Helsinki toplanışı fevralın 22-dək davam edəcək. 23 - 28 fevralda isə yığmamız hazırlığını İrlandiyanın paytaxtı Dublində davam etdirəcək.
