İngiltərənin "Mançester Yunayted" klubu baş məşqçi Ule Qunnar Sulşerə əvəzedici tapıb.
Sportnet.az-ın məlumatına görə, bu, hazırda "Lester"in sükanı arxasında olan Brendan Rocersdir. "Qırmızı şeytanlar" 48 yaşlı mütəxəssislə razılığa gələcəklərinə əmindirlər.
Şimali irlandiyalı baş məşqçinin hazırkı müqaviləsinə əsasən, "Lester" onu Avropanın top-klubundan təklif gələcəyi təqdirdə buraxmalıdır. Rocers "tülkülər"ə 2019-cu ildən rəhbərlik edir. Əvvəllər o, "Redinq", "Çelsi"nin U-18 və U-23 komandaları, "Uotford", "Suonsi", "Liverpul" və Şotlandiya "Seltik"ində çalışıb.
"Mançester Yunayted"ə isə 2018-ci ildən Ule Qunnar Sulşer rəhbərlik edir. 48 yaşlı norveçli baş məşqçi 1996 - 2007-ci illərdə "qırmızı şeytanlar"ın oyunçusu olub.
