Braziliya yığması DÇ-2022-nin Cənubi Amerika zonası üzrə seçmə matçında Kolumbiya millisinə evdə 1:0 hesabı ilə qalib gəlib.
Sportnet.az xəbər verir ki, qarşılaşmada yeganə qolu 72-ci dəqiqədə Lukas Paketa vurub.
Bununla da "pentakampeonlar" seçmə mərhələnin 12 oyununda 11-ci qələbəsini qazanaraq Qətərdə keçiriləcək final turnirində iştirakını təmin edib. Hazırda bu komanda 34 xalla turnir cədvəlinə başçılıq edir.
Qeyd edək ki, daha əvvəl ev sahibi Qətər, Avropa zonasından Danimarka və Almaniya da DÇ-2022-yə vəsiqə qazanıb.
